Arivén a Locarno con tuta la compagnia el dì de la Befana, vèrs sera. Son sul furgon dei tecnici, i m’ha dat en passaggio lori, da Bolzan. A Verona, a la stazion dei treni, ne sen fermadi a spetàr el diretor de palco che ’l vegniva dala Calabria, la sarta che l’arivava dala Puglia, e ‘l capo machinisti che ’l tornava da Spoleto. Autostrada, casèi, stanghe, scorloni, autogrill, panini a strangolom, café… viazo eterno, che no finìss pù. Quando passém el confìn e lézo ‘l scartabèl che diss “Locarno 10 km” tiro ‘n sospiro font. El debutto svizzero, quasi ‘n zima al Lago Maggiore, l’è doman de sera, con quatro repliche, prima de tornàr a traversàr el confìn per nar a Novara. El nòss albergo l’è propri a l’inizio de quela piazzetta famosa, endo’ che l’istà i fa ‘l festival del cinema. Zà, l’istà… che bel pensàr a la stagion calda, ma torneràla, l’istà? Chì ‘nvéze gh’è i muci de nef dale bande de la piazza, l’ha fiocà che no l’è tant, gh’è l’alber de Nadàl, chioschi-bar de plastica scaldadi da quei lampioni-fornèl che se usa adesso, musica… Tute ste robe entorno a ‘n gran campo de patinagio, pien de zent che se core drìo, che ride, òmeni, done, ma spezialment putèi e putele e matelòti en te ‘n gran zigàr. E la musica “Tump! Tump! Tump!”.
“Anca i dorme stanòt chì ‘ntorno!”, penso.
Ma probabilmente mi son vècio e zidioss e no capìsso “le sane esigenze dei giovani” a divertirse.
I giornài anca da noi i è pieni de “Lettere al direttore” endo’ che i zoveni i diss che Trent l’è na zità de morti viventi, de zombi, de zènt che no sa divertirse, che va a dormìr co’le galìne, trogloditi… El mondo l’è cambià, dai, g’ha dirito anca lori a sfogarse, penso. Demò noi da zoveni se féven casìn ris’céven de ciapàrne ‘n fraco dal prim che passava, adesso no l’è pù cossì. Adesso g’hè comprensione, tolleranza… Ne sen evoluti e capìm le “esigenze dei ragazzi e i loro diritti”… bem… sì… ensoma fen finta de capirle e fen anca finta che sia “politically correct” far finta de capìr e che sia giusto che lori i g’abia dirito a far casìn perché i è zoveni e noi fen finta che ne piasa cossì.
Ma se i fa casìn fin a le zinque de matina soto la finestra de la me camera ghe tiro zo do comodini e na caréga… Ben, tornente a Locarno: come ho zà dit quasi tuta la Piazza Grande l’è ‘n campo da pattinaggio. E per de pù sopraelevato. Tut entorno i plastic-bar colorati. Bel da véder. Ensoma ‘na festa. Gh’è demò ‘l spazio ‘da le bande per passàr, vardàr e passegiàr soto i pòrteghi.



-Ammazza, che è ‘sto casino?!- diss uno dei machinisti desmontando dal furgon. El vardo, el g’averà vinti ani. “Alor no son demò mi” penso, ma fago finta de gnent perché son politicamente corretto. Ne strozzéghén co ‘le valìss fin a l’albergo endo che sbrighén le solite formalità: documenti, firme, camere, ascensor, bagài. Controlo de le coèrte, dei cossìni, del materàss, dei armari, del bagno… tut a posto. Nem a zena, gh’è en bel ristorante proprio a piano terra, e se magna anca ben… devo demò capìr come che la funziona coi Franchi svizzeri perché son zo de alenamento. Però i accetta anca l’Euro. Perché el val de pù, miga per gentilezza. Difati i me spiega che ne convièn, a noi, el cambio Franco – Euro, perché ghe’n guadagném, ma gh’è anca da dir che ‘n Svizzera è tut cossì car che quel poch de guadagno che gh’è nel cambio, el va a farse benedìr apena che te meti la testa fòr da l’uss. Ensoma ancora na volta la storia de quel tèn dala spina e mòla dal cocom, en doss e na val fa ‘n gualìf, no gh’è pù le stagion de ‘na volta… e che ‘l se ciama Franco, Euro o Tullio i buzeràdi l’è sempre quei.
Dopo sta considerazion de alta finanza nem avanti. Finì la zena en tre quatro decidém de nar a far do passi per paràr zo. E l’è lì che trovén la sorpresa. Nem al campo de patinagio anca perché el g’avén praticamente apena fòr da la porta. Nem a vardàr pattinatrici e pattinatori, zènt esperta e zènt che rudola, zènt che ride e che zìga, mame che ciama, matelòti che pianze e musica “Tump! Tump! Tump!”. Quando èco che improvisamente el campanil de la piazzeta ’l bate le dése. Alora come per incanto la musica la se sbassa e da “Tump! Tump!” la fa improvisamente “Tump! Tump!” che se la sente apena apena, la zènt la scominzia a parlàr sotovoze, perfìn i zoveni fòra dai bar i sussura e i matelòti i pianze pian perché le mame le ghe fa “Sssst!”… Demò el rumor dei patini sul giazz. “Zin! Ziiin!”



Lì per lì noi, taliani, postadi a la sparangola no capìm. Ciacerém ancora, ne scampa fòr qualche parola, a volume alt ma la ne mòre ‘n gola. Sentìn che è suzzèst qualcòss, però ghe metén en pezzòt a comprender la causa del cambiamento. Mi penso per ‘n atimo che sia saltà la luce, adiritura. Ma dopo vedo che la luce la gh’è… Ne vardém. I svizzeri i continua a divertirse lo stess, né i g’ha la facia da zombi o da trogloditi perché i parla pian e no i pòl sbraitàr. I è semplicemente “educati”.
-Improponibile da noi una cosa simile!- diss en colèga meridionale apena che ne riprendém da la sorpresa.
-Da voi?!- ghe digo mi.
-Sssst! Parla piano se no ci fanno pattinare…- e ridén. Po’ vago avanti con quel che g’ho da dir.
-Ma da noi a Trento, nel grande Nord, è irrealizzabile una cosa così! Ma lo sai che da noi c’è stato uno studente che ha scritto sul giornale, a nome di altri mentecatti come lui, che loro hanno diritto perché pagano molte tasse?
-Probabilmente le paga papà…
-Bravo! Tutti paghiamo molte tasse, mannaggia..!- fa ‘l terzo, - e allora che facciamo, ci mettiamo a far casino?
-La verità è – continua el me colèga – che noi siamo maleducati per natura. Da noi possono far casino, pisciare contro i muri, spaccare bottiglie e bicchieri perché se qualcuno tentasse di imporre regole, regole che tra l’altro già ci sono, ma solo sulla carta, ci sarebbe una sollevazione pseudo moralistica di chi fa finta di essere tollerante per paura di perdere i clienti…
-Sì, e danno la multa ai proprietari del locale invece che prendere a calci…
-Ssssshhh, parla piano!
-Da noi se ti aprono un locale sotto la camera da letto è sfiga, invece qui è normale. Qui è civile.
-Beh, dai avranno anche loro qualche difetto, no?
Lassèn passàr en silenzio ancora qualche minut vardando la zènt che se diverte, pian, e che mormora davanti ai bar. Sen empressionadi. Positivamente, ma pur sempre empressionadi. D’acordo, d’acordo, g’averà anca lori i so difèti, le so paure, le so fobìe, ma questa l’è sta na gran lezion. Perché ho vist che se pòl farlo, se pòl divertirse lo stess… l’ho vist coi me òci.